Kuv yog Rwg Vaamyig Muas. Kuv yog tuaj paab dlejnum nyob rua huv xutooj cua KQEQ 1210 AM nuav txij le lub 6 hli xyoo 2006 lug txug rua nubnua.

KQEQ 1210 AM yog lub xutooj cua xub pib has ua Moob lub 24 teev 7 nub nyob rua huv lub Roog Fresno. California pub rua Moob nyob thoob nplajteb tau sisicog noog. Nwg yog Moob lub suab xaa xuv xaa moo moog lug sisicuag; yog lub suab nqua hu Moob nyob thoob ntuj lug thoj sab koom teg tsim tsaa kuas Moob sawv ruaj ntseg; yog lub suab sau Moob lug nyob uapuab uapawg kuas muaj kev sishum xeeb; yog tub choj txhuas kev phoojywg ntawn peb haiv Moob nyob rua txhua lub tebchaws; hab yog lub chaw hloov txwvyig kev txawj ntse lug phim khu Moob lub neej kuas suavdlawg ncaav cuag txuj kev vaammeej, muaj vaajfuam sistxig, hab tau txais ke ywjpheej.

Yogle nubnua kuv txha txaussab muab lub caijnyoog tuaj paab dlejnum nyob rua huv xuvtooj cua KQEQ 1210 AM. Kuv ntseeg hastas Moob nyob thoob nplajteb yuav cev teg tuaj paab khu Moob lub neej lug ntawm xuvtooj cua KQEQ 1210 AM kuas Moob muaj nyob hab caj sa.

Email: truemoua@thehmongradio.com